Нова трагедија во Србија: Дете се бори за живот откако врз него се сруши метална конструкција на автобуска станица

Ноќеска во Младеновац тешко е повредено 12-годишно дете откако врз него паднала метална конструкција од автобуска станица. Како што објави Танјуг, во 23 часот и 30 минути детето е згрижено во Детската болница во Белград, откако врз него паднала металната конструкција од автобуската станица.

Српските медиуми пренесуваат дека детето е во животозагрозувачка состојба и лекарите се борат за неговиот живот.

Во еден момент, момчето се држеше за конструкцијата на постојката. Во следната секунда, масивната конструкција целосно попушти и се урна директно врз детето, изјавиле очевидци, пренесе „Мондо“.

Полицијата и јавното обвинителство работат на расветлување на случајот и истрагата е во тек.

Share on Facebook

Tweet

Follow us

Save