Нова уцена од Ердоган: Ќе ја примиме Шведска во НАТО ако САД…

Турскиот претседател Реџеп Таип Ердоган изјави дека турскиот парламент ќе го почитува своето ветување за ратификување на приемот на Шведска во НАТО, доколку САД ја почитуваат својата обврска да испорачаат борбени авиони Ф-16 на Анкара.

„Се надевам дека додека тие остануваат верни на своите ветувања, нашиот парламент исто така ќе остане верен на ветувањето“, рече Ердоган, пишува весникот „Сабах“. Според Блумберг, Анкара сака брзо решение на ситуацијата поврзана со набавката на авионите Ф-16 од Вашингтон, каде американските пратеници предводени од демократскиот сенатор од Њу Џерси Боб Менендез досега го блокираа напредокот во преговорите.

Ердоган рече дека обвиненијата за корупција против сенаторот минатата недела создадоа предност што Турција сака да ја искористи, рече Ердоган. Шведска аплицираше за членство во НАТО заедно со Финска откако Русија ја започна својата инвазија на Украина во 2022 година, а Финска беше прифатена во алијансата во април оваа година. За да може една земја да стане членка, потребно е сите останати членки да донесат едногласна одлука за тоа, пренесува Танјуг.

Share on Facebook

Tweet

Follow us

Save