Новиот црногорски претседател пресече: Нема да го повлечеме признавањето на Косово

Новоизбраниот претседател на Црна Гора, Јаков Милатовиќ, во вторникот вечерта изјави дека одлуката за признавање на независноста на Косово од страна на Црна Гора нема да биде повлечена.

Не е реално да се очекува повлекување на признавањето на Косово и тоа е работа која е многу јасна“, рече Милатовиќ во интервју за Нова ТВ.

Тој рече дека „поддржува се за што ќе се договорат Белград и Приштина и верува дека нормализацијата на односите меѓу Белград и Приштина би била значајна за сите земји во регионот“. Во оваа смисла, Црна Гора сака да биде добар сосед кој ќе промовира добрососедски односи“.

„Сакам најдобри можни односи со Србија и додека бев министер за економски развој, тоа секогаш го ставав во фокус. „Србија е најголемата земја на Западен Балкан и сосема е природно што мојата посета на Србија ќе следи по поканата на (српскиот претседател Александар) Вучиќ“, рече Милатовиќ.

Сепак, тој рече дека неговата прва посета ќе биде во Брисел бидејќи, како што повтори, Црна Гора „вистински се движи“ кон ЕУ. Милатовиќ истакна дека „нему му е важно сите овие посети да резултираат со опипливи резултати за граѓаните и економијата“.

Share on Facebook

Tweet

Follow us

Save