Новите патриотски бургери во Русија ќе бидат со имиња на оружја, тенкови и авиони кои се распоредени во Украина

На северозападот на Русија се појави ресторан за брза храна, чии оброци носат имиња на руско оружје кое било користено во војната во Украина.

Во новиот ресторан за брза храна се продаваат различни видови хамбургери со тема инвазија на северозападот на Русија, јавува „Мондо.рс“ повикувајќи се на информации од Дејли Мејл.

Како што објавува „Мондо.рс“, новиот објект е именуван по озлогласениот провоен симбол на земјата – „Z-Burger“ и бил отворен на почетокот на април под слоганот: „Во Z-Burger, ние го поддржуваме нашето!“

Нивното мени вклучува хамбургери, пици и други јадења за брза храна со имиња на руско оружје, тенкови и авиони кои моментално се распоредени во Украина. Имињата на хамбургерите се: Су-57 – именуван по рускиот борбен авион од 5-та генерација; „Kinzhal“- нуклеарна ракета воздух-земја, и Т-34 – тенк од Втората светска војна.

Другите хамбургери на менито носат националистички епитети како што се Кремљ, За наше, За Кавказ, Z и V со големи букви.

Новите патриотски хамбургери доаѓаат до израз во време кога поранешните ресторани на Мекдоналдс се подготвуваат повторно да се отворат под нов бренд и сопственост. Мекдоналдс минатиот месец објави дека ги продава своите ресторани во Русија на еден од локалните носители на лиценца, Александар Говор, откако одлучи да се повлече од земјата по инвазијата на Украина на 24 февруари.

Share on Facebook

Tweet

Follow us

Save