Нови детали за возачот кој смртното ја прегази жената во Капиштец: Бил казнет за возење без дозвола!

По распишувањето на меѓународната потерница за 18-годишниот Саит Саитов, кој е осомничен за предизвикување сообраќајна несреќа со смртни последици, на површина излегоа детали од неговото полициско досие, објави 4NEWS

Тие откриваат дека младиот возач и претходно бил санкциониран за непочитување на сообраќајните правила.

Уште во 2025 година, СВР Скопје му изрекла санкција на Саитов за управување возило без возачка дозвола (согласно член 225 од Законот за безбедност на сообраќајот).

Истата година, полицијата презела мерки и против неговиот татко. На него му била поднесена прекршочна пријава бидејќи свесно му го отстапил возилото на својот син, иако знаел дека тој нема положен возачки испит (согласно член 317 од истиот закон).

Share on Facebook

Tweet

Follow us

Save