Ново предупредување: Ќе паѓа обилен снег

Управата за хидрометеоролошки работи (УХМР) на својата веб-страница објави предупредување за обилни снежни врнежи.

Од УХМР наведуваат дека во текот на наредната недела се очекуваат големи врнежи од снег, кои во ридско-планинските делови на Македонија можат да достигнат и солидна висина.

„Под влијание на циклонска активност и студена воздушна маса од север времето утре ќе биде облачно и студено со врнежи од дожд и снег во пониските места, а на планините и повисоките места од снег. Врнежите ќе бидат пообилни во западните и крајните источни делови каде на планините ќе се зголеми постојната снежната покривка, а помала снежна покривка ќе се формира и во некои од пониските места. Ќе дува умерен до засилен јужен, а во текот на ноќта засилен северен ветер. Потоа до четврток ќе се задржи променливо облачно, студено и ветровито време со локални врнежи претежно од снег, особено во среда.Потоа следува период на стабилно, суво и понатаму студено време“, велат од УХМР.

Share on Facebook

Tweet

Follow us

Save