Нов инцидент во Косово: Албанец застрела Србин пред дискотека

Пред дискотеката на влезот во Грачаница синоќа имало пукање во кое е ранет мажот Љ. М.( роден 1967) со српско потекло од Липљан, а како што дознава Косово онлајн, бил застрелан од Албанец.
Како што изјавил командирот на полициската станица во Грачаница, Братислав Трајковиќ, „по осомничениот се уште се трага“.

„Повредениот е хоспитализиран во болницата Симонида и неговиот живот не е во опасност“, изјави Трајковиќ за Косово онлајн.

Ранетиот Србин се здобил со прострелна рана на десната надколеница каде што минал куршумот и моментално е во стабилна состојба.

За потсетување, неодамна во Бабин Мост, Албанец со нож рани двајца Срби, а косовското обвинителство тој случај го оквалификува како „нанесување тешки телесни повреди“ наместо обид за убиство.

„Како застапник на оштетениот Саша и Немања Митровиќ од Бабин Мост, до Обвинителството доставив полномошно за нивно застапување во кривичната постапка против лицата кои дента ги нападнаа, а од разговорот со обвинителот. Слушнав дека кривичното дело е оквалификувано како „нанесување тешка телесна повреда“, не се согласувам со тоа и сметам дека се работи за кривично дело „тешко убиство во обид од етнички причини“, изјави тогаш адвокатот Дејан Васиќ.

Share on Facebook

Tweet

Follow us

Save