Нов „страшен“ резултат за Ѓуретановиќ – македонски рекорд за историјата!

Maкедонскиот пливач Никола Ѓуретановиќ исплива уште една фантастична трка во која сруши рекорд.

Ѓуретановиќ стана првиот македонски пливач кој успеал да исплива 400 метри слободно во 50 метарски базен под четири минути и тоа го направи на свои 17 години.

Рекордот Ѓуретановиќ го постигна на меѓународното натпреварување во Ниш каде што исплива за време од 3:57.75. Претходно македонскиот рекорд го држеше Марко Блажевски со време од 4:00:53.

Денешното време на Ѓуретановиќ беше и за речиси девет секунди подобро од времето на Олимписките игри летово во Париз, а со истото би бил и пред седум пливачи во Париз.

Во Париз македонскиот пливач заврши последен со време од 04:05:38.

Share on Facebook

Tweet

Follow us

Save