Норвешка купува американски ПВО системи во вредност од околу 362 милиони долари

Норвешка постигна договор со Америка за купување ракети за противвоздушна одбрана AIM-120C-8 AMRAAM вредни околу 362 милиони долари, соопшти денеска норвешката армија. „Со сè повеќе нови ракети, норвешките вооружени сили ќе имаат подобра способност да ја заштитат Норвешка од воздушни напади“, изјави норвешкиот министер за одбрана Бјорн Арилд Грам, пренесе Ројтерс.

Ракетите првенствено се наменети за копнениот систем за воздушна одбрана на Норвешка, но можат да се користат и како проектили за борбени авиони Ф-35А. Норвешка, која е членка на НАТО и ја дели границата со Русија, вети дека ќе ги зголеми трошоците за одбрана по почетокот на војната во Украина, пренесува Танјуг.

Share on Facebook

Tweet

Follow us

Save