Норвешка ќе ѝ помага на Украина со 205 милиони евра!
Норвешка со две милијарди круни (околу 205 милиони евра) ќе и помогне на Украина да обезбеди гас за претстојната зима, најави денеска норвешкиот премиер Јонас Гар Сторе.
– Како резултат на војната, Украина има итна потреба од надворешна поддршка. Украина побара од Норвешка да преземе водечка улога за да гарантира пристап до енергија. Ние се согласуваме и предлагаме да се искористат две милијарди круни за да можат Украинците да купуваат гас оваа есен и зима, наведе Сторе.
Двете милијарди круни се дел од веќе ветената помош од 10 милијарди круни од Норвешка за Украина, што ќе бидат исплатени преку Европската банка за обнова и развој (ЕБОР), која ќе има задача да го набави гасот.
– Нашиот придонес за набавка на гас главно ќе помогне да се обезбеди греење за болниците и училиштата во Украина оваа зима и можност за подготовка на топла храна, истакна Сторе.
Тој упати апел до другите европски земји да го следат примерот на Норвешка.
(МИА)
ПОВРЗАНИ ВЕСТИ
Украински напад врз една од најголемите руски…
Украина изврши напад врз рафинеријата за нафта…
Трамп пред средбата во Абу Даби: Договорот…
Американскиот претседател Доналд Трамп изјави дека страните…
Руски напади врз објект на „Нафтогас“ во…
Руските сили синоќа трипати нападнале објект на…
Трамп: Русија и Украина за првпат се…
Американскиот претседател Доналд Трамп смета дека Русија…
Полска ги предупреди сојузниците: Не преговарајте со…
Полска ги предупреди европските сојузници дека во…