INFOMAX.MK

Соопштение на Независниот синдикат на професионални војници:

– Министерството за одбрана повторно продолжува со незаконските постапувања и прекршувања на Колективниот договор и премина на друга фаза на блокирање на работата на синдикатот.

Спротивно на член 114 од КД на МО, Секторот за финансии при МО не ги реализира новите пристапувања во синдикатот, и не ги доставува списоците на членовите на синдикатот врз основ на реализирани административни забрани. Секторот за финансии при МО не постапува по одлуките на овластеното лице на НСПВ и на незаконит начин ги доставува списоците на лице кое лажно се претставува и има три кривични пријави (З.П) за фалсификување и злосторничко здружување токму за дела направени врз синдикатот. Тоа лице З.П од лажен мејл ги доставува спсиоците до фирмите со кои синдикатот има соработка, со цел да ги изманипулира и да прикаже дека тој е овластено лице на синдикатот.

Дали министерот за одбрана има контрола и влијание на работата на секторите во МО или длабоката корупција и криминал е премногу навлезена во оваа институција ?! Дали МО штити некого со премолчување на сите овие незаконски постапувања ?!

Во отсусутво на демант од МО за блокирањето и опструирањето на синдикатот и нереагирањето на посочените криминални дејствија на одредени структури во МО е доволен показател дека ова раководство неможе да се справи со наследениот криминален хаос од претходното раководство во МО.

Со почит, Претседател на НСПВ СО

Александар Насковски – стои во соопштението на НСПВ.