Нуланд “им нареди” на Косово и Србија веднаш да ги спроведат потпишаните договори и да ја деескалираат ситуацијата

Американскиот потсекретар за политички прашања Викторија Нуланд ги повика Белград и Приштина веднаш да започнат со спроведување на обврските од Охридскиот договор и изјави дека Америка го поддржува планот на ЕУ за решавање на кризата во северно Косово.

Нуланд по средбата со претставникот на ЕУ за дијалог меѓу Косово и Србија, Мирослав Лајчак, на Твитер ги повика двете страни да ги деескалираат тензиите.

-„Го поздравив мојот стар пријател, специјалниот пратеник на ЕУ Мирослав Лајчак. Ги повикуваме Косово и Србија веднаш да ги деескалираат тензиите и да започнат со спроведување на обврските од Охрид. Продолжуваме да го поддржуваме планот од три точки на ЕУ како најдобар начин за решавање на кризата “, напиша на Твитер Нуланд.

Share on Facebook

Tweet

Follow us

Save