Обвинителството во Париз побара судење за Марин Ле Пен за злоупотреба на фондовите на ЕУ

Обвинителството во Париз побара судење за екстремно десничарската партија „Национален собир“ и 27 лица поврзани со неа, меѓу кои Марин Ле Пен и нејзиниот татко, основачот на партијата Жан-Мари, кои се осомничени за учество во системот за проневера на европските јавни фондови меѓу 2004 и 2016 година.

Истрагата почна во март 2015 година, кога Европскиот парламент соопшти дека можните неправилности направени од тогашната партија „Национален фронт“ ги упатил до канцеларијата на ЕУ за борба против измами во врска со платите исплатени на асистентите на пратениците.

Обвинителството отвори истрага во декември 2016 година, со цел да се утврди дали тогашниот „Национален фронт“ користел пари наменети за помошниците на Парламентот на ЕУ за плаќање персонал кој работел за партијата, пренесува весникот „Фигаро“.

Share on Facebook

Tweet

Follow us

Save