Обвинител изврши увид на местото на пукањето во Арачиново: Се бараат снимки од камери!

Основното јавно обвинителство Скопје информираше попладнево дека во врска со денешното пукање кон градоначалникот на Општина Арачиново, Ридван Ибраими, во кое се повредени две лица кои биле заедно со градоначалникот, дежурен јавен обвинител од извршил увид на лице место и издал наредби за прибирање траги и вршење соодветни вештачења.

Од ОЈО додаваат дека „ќе биде издадена и наредба за обезбедување снимки од видеонадзор од околни објекти, како и за преземање други дејствија“.

Претходно, Министерството за внатрешни работи излезе со официјална потврда дека во СВР Скопје бил е пријавен инцидент во кој на влезот на село Арачиново, машко лице со автоматска пушка пукало кон градоначалникот на Општина Арачиново Ридван Ибраими, кој бил заедно со уште неколку лица.

Во нападот се повредени две лица, но меѓу нив не е градоначалникот, а демантирани беа и информациите за повреден полициски службеник.

Share on Facebook

Tweet

Follow us

Save