Обединетите Нации се пред банкрот

Во писмо до амбасадорите на сите 192 земји членки, шефот на Обединетите нации предупредува дека ова тело е на раб на финансиски крах доколку не се платат давачките.

Пари за редовниот оперативен буџет на ОН може да снема веќе во јули. Иако Гутереш не именуваше ниту една земја во писмото, финансиската криза доаѓа откако САД, традиционално најголемиот донатор, не ги платија своите задолжителни давачки кон Обединетите нации.

„Или сите земји-членки ќе ги почитуваат своите обврски за целосно и навремено плаќање, или мора фундаментално да се ревидираат финансиски правила за да се спречи неизбежен финансиски колапс“, рече тој.

Алармот доаѓа неколку недели откако Доналд Трамп потпиша меморандум со кој се наложува повлекување на САД од 66 меѓународни организации, вклучувајќи 31 ентитет на ОН, сметајќи ги за „спротивни на интересите на САД“.

САД сега должат 2,196 милијарди долари во редовниот буџет на ОН, вклучувајќи 767 милиони долари за оваа година и претходните години, а должат и 1,8 милијарди долари за посебниот буџет за мировните операции на ОН.

Втора земја на листата за неплаќачи членарина е Венецуела, која должи само 38 милиони долари. Таа со ваков долг веќе го изгуби правото на глас во Генералното собрание поради две години заостанување.

Share on Facebook

Tweet

Follow us

Save