INFOMAX.MK

За старомакедонскиот јазик од околината на Солун пишувал словенечко-австрискиот лингвист Ватрослав Облак, на чие дело “Македонски студии” потсетува Стево Симски во објава на Фејсбук.

– „Македонски студии“ (Macedonische Studien: die slavischen Dialecte des südlichen und nordwestlichen Macedoniens) е книга на словенечко австрискиот лингвистот Ватрослав Облак (1864-1896). Истражувањето „Македонски студии“ е издадено во 1896 година, а се темели на исцрпни теренски истражувања во околината на Солун, Егејска Македонија.

„Македонските говори, од селата Сухо, Висока и Зарова, од околината на Солун, Егејска Македонија, се во основа на старословенскиот јазик. Од 9 до 11 век Словените доследно се држиат до основите на старословенскиот јазик на Кирил и Методиј. Во 12 век почнуваат редакциите, варијанти, на црковнословенскиот јазик кај повеќе словенски народи.“

Францускиот лингвист Андре Вајан (1890-1977) во книгата „Manuel du vieux slave“, ги употребува термините старомакедонски и старобугарски за да ја означи разликата во јазикот на најстарата словенска писменост во Македонија и во Бугарија.

„Разликите меѓу старомакедонскиот и старобугарскиот се осетни. Разликите се јавуваат во граматиката, а особено во речникот. Разликата меѓу старомакедонскиот и старобугарскиот е видлива кога имаме исти текст напишан на двата јазика. Пример е Евангелието на Сава во Клоцовиот зборник.“ (с.с. Историски записи), стои во објавата на Фејсбук.