ОБСЕ го осуди палењето на куќа на Србин во Косово

Мисијата на ОБСЕ на Косово го осуди палењето на куќата на повратник Србин во општина Исток и ја повика полицијата да го истражи случајот и да ги изведе одговорните пред лицето на правдата.
Мисијата на ОБСЕ на Твитер објави дека се залага за враќање на раселените лица и ја поздравува подготвеноста на Министерството за заедници и враќање да продолжи со поддршката на погоденото семејство.

„Го осудуваме палењето во новоизградената куќа на српските повратници во Вериќ, општина Исток. Ја повикуваме полицијата да го истражи случајот и да ги изведе сторителите пред лицето на правдата. Заедно со косовските институции и меѓународните партнери, ние силно го поддржуваме враќањето на раселените лица, во согласност со нашиот мандат за човекови права и помирување. За таа цел, ја поздравуваме подготвеноста на Министерството за заедници и враќање да продолжи да го поддржува настраданото семејство“, беше напишано на Твитер.

Share on Facebook

Tweet

Follow us

Save