Објавени безбедносните барања на Русија: Москва бара НАТО да се повлече од Централна и Источна Европа и да престане да ја снабдува Украина со oружје

Москва му достави писмена реакција на американскиот одговор на безбедносните гаранции на американскиот амбасадор во Русија Џон Саливан, соопшти Министерството за надворешни работи на Русија.
Осум главни тези од одговорот на Москва до Вашингтон:
1. САД не дадоа конструктивен одговор на сите клучни предлози на Русија, вклучително и напуштање на проширувањето на НАТО и отворање бази на територијата на поранешните советски републики. Во отсуство на американска подготвеност за преговори, Москва може да прибегне кон воено-технички мерки“, предупреди МНР.
Вашингтон не даде конструктивен одговор на основните руски предлози за безбедносни гаранции, соопшти МНР и предупреди дека „во отсуство на подготвеност на САД за преговори, Москва може да прибегне кон воено-технички мерки“.

2. Москва инсистира американските трупи и оружје да бидат повлечени од Централна, Источна Европа и Балтикот.
„Сигурни сме дека во тие зони има доволно национален воен потенцијал. Подготвени сме да разговараме на оваа тема врз основа на членовите 4 и 5 од рускиот нацрт-договор“, се вели во текстот.
3. „Црвените линии“, како и правото на Русија да ги брани, сè уште се игнорираат. САД и НАТО ја зголемуваат воената активност на руските граници.
4. Москва предлага идејата за воведување мораториум на ракетите со среден и краток дострел во Европа практично да се реализира во рамките на безбедносните гаранции. Се наведува дека Москва го смета овој проблем како еден од приоритетите во руско-американскиот дијалог.
5. Москва инсистира Киев да ги спроведе договорите од Минск, да го запре снабдувањето со оружје за Украина, да го повлече веќе испорачаното оружје, да си заминат сите западни инструктори и НАТО да се откаже од воените вежби со Украина.
6. Русија очекува конкретни предлози од САД и НАТО за содржината и формите на легално повлекување на Алијансата од проширувањето кон исток.
7. САД и нивните сојузници треба да се откажат од политиката на зауздување на Русија и да преземат конкретни, практични чекори за деескалација на воено-политичката ситуација.
8. Предлозите на Русија за безбедносните гаранции треба да се разгледаат во целост, без да се истакнуваат поединечни точки.
На крајот на минатата година, во светло на влошувањето на односите со Западот и влошувањето на ситуацијата околу Украина, Москва им ги предаде нацрт-документите за безбедносните гаранции на Брисел и Вашингтон. Кремљ инсистира на запирање на воената соработка на НАТО со постсоветските земји, откажување од отворање бази на нивните територии, ограничување на распоредувањето ударно оружје во близина на руската граница, повлекување на американското нуклеарно оружје од Европа и не проширување на НАТО на исток. западните партнери ги игнорираа сите основни точки.

Share on Facebook

Tweet

Follow us

Save