Ова ли беше причината за ракетирањето: Кој сакал да направи саботажа во иранска нуклеарна централа

Иранските државни медиуми во понеделникот објавија дека Техеран спречил обид за саботажа поврзан со Израел во клучна подземна нуклеарна централа, при што биле уапсени неколку осомничени шпиони.

Новинската агенција ИРНА соопшти дека осомничените членови на шпионска мрежа поврзана со Израел „планирале да го саботираат објектот Фордо и биле уапсени од разузнавачките служби на Револуционерната гарда“. Државниот медиум не ги откри имињата на осомничениот или колкумина се приведени.

Фордо е подземен објект за збогатување ураниум кој се наоѓа на околу 180 километри (112 милји) јужно од Техеран. Израелската влада претходно го обвини Иран дека ја користи централата како дел од својот план за развој на нуклеарно оружје, нешто што Техеран го негира.

Наводните израелски разузнавачи се обиделе „да му пристапат“ на вработен во Фордо откако регрутирале еден од неговите соседи во обид да добијат внатрешни информации за напредните центрифуги што се користат во објектот. Приведените лица наводно биле исплатени „во форма на готовина и дигитална валута, за да не остане ни трага од тоа“.

Осомничените шпиони, наводно, користеле „маската на компанија од Хонг Конг“ за време на нивната комуникација со вработениот во Фордо, но нивните напори биле спречени од „нуклеарната команда“ на Иранската револуционерна гарда и „командата на разузнавачките служби“.

ИРНА тврди дека ова е „прв пат о“, цитирајќи официјален претставник на одбраната на Иран, кој изјавил дека таа била формирана во мај-јуни 2021 година „по неколку акти на саботажа“.

Најавата дека поединци поврзани со Израел се приведени под обвинение за обид за саботажа доаѓа додека Иран и западните сили се очекува да постигнат договор за обновување на нуклеарниот договор од 2015 година.

Договорот првично се распадна во 2018 година, откако тогашниот американски претседател Доналд Трамп ја повлече Америка од договорот и воведе санкции кон Техеран. Како одговор, Иран ги отфрли своите обврски од договорот, вклучително и продолжување на активностите во објектот Фордо, кој претходно се согласи да го затвори.

Share on Facebook

Tweet

Follow us

Save