Овчата сипаница се шири низ истокот – опфатени бачила во четири општини

Овчата сипаница се шири низ истокот, потврдени се нови случаи на сипаница кај овците и козите во одгледувалиште во селото Саса во Македонска Каменица. Инаку само за 15 дена оваа болест има зафатена бачила во четири општини во Источниот регион и тоа Свети Николе, Чешиново-Облешево, Делчево и Македонска Каменица.

Од Агенцијата за храна и ветринарство велат дека досега се уништини повеќе од 1.400 животни, а депопулацијата ќе продолжи и во новите жаришта, откако ќе бидат обезбедени локации за нивно безбедно отстранување.

Во заразените одгледувалишта се спроведуваат строги мерки, се врши депопулација на цели стада, дезинфекција и епидемиолошки испитувања. АХВ, одржа итен состанок со здруженијата на одгледувачи на овци и Сојузот, на него било посочено дека болеста не преставува опасност за луѓето, а биле презентирани и мерките за нејзино сузбивање.Сточарите се информира дека останува на сила забраната за движење и транспорт на овци и кози во заштитните зони.

Производите од погодените подрачја се ограничени за промет, а млекото може да се користи само по термичка обработка. Во земјава на почетокот на годината е регистриран првиот случај на сипаница кај овците во Кумановскиот регион, по што се прошири кон стадата во Брегалничкиот регион, опфатени се околу 2.700 овци и кози.

Share on Facebook

Tweet

Follow us

Save