Огнен фронт низ Македонија: 11 пожари се активни, огнот голта шуми и вегетација

До 13:00 часот попладнево се регистрирани 17 пожари на отворен простор од кои 11 се активни, три се под контрола и три се изгаснати, соопшти Центарот за управување со кризи (ЦУК).

Активни се пожарите во: Општините Студеничани и Зелениково: село Моране – село Вртекица – село Рамни Габер, со крак кон село Палиград и над село Вражале, Општина Зелениково – мешана шума, Општина Студеничани: село Цветово, стариот пат кон село Елово – ниска вегетација и шума, Општина Македонски Брод: месност Видуш, кај село Драгов Дол и кај село Локвица – ниска вегетација, нискостеблеста шума и грмушки, Општина Кичево: село Тајмиште, месност Дарда – високостеблеста букова шума, Општина Врапчиште: село Ломница – мешана шума, Општина Маврово и Ростуше: село Церово – ниска вегетација и нискостеблести растенија, Општина Желино: село Церово – ниска вегетација и папрат, Општина Прилеп: село Бонче – ниска вегетација и нискостеблести растенија, Општина Прилеп: село Мажунчиште – ниска вегетација, Општина Прилеп: село Коњари – ниска вегетација и Општина Струмица: село Водоча – стрниште.

Под контрола се пожарите во Општина Прилеп: село Чаниште, крак кон село Крушевица, кон село Лопатица, кон село Дуње и крак кон Црна Река – ниска вегетација, Општина Липково: село Никуштак – ниска вегетација и шума, како и Општина Тетово: село Бродец – шума.

Изгаснати се пожарите во Општина Крушево: село Белушино, со крак кон село Јакреново – ниска вегетација и дабова шума, Општина Куманово: месност Стари Лозја – ниска вегетација и ѓубре и Општина Делчево: депонијата во Делчево.

Share on Facebook

Tweet

Follow us

Save