Ограничувањето на трговските марки ќе биде продолжено до крајот на годината

Ограничувањето на трговските маржи кое според одлуката на Владата требаше да биде до крајот на септември, ќе биде продолжено до крајот на годинава, изјави министерот за економија Крешник Бектеши одговарајќи на новинарско прашање во врска со високата инфлација.

Владата, на 15-ти јуни одлучи за леб бел-сечен на парчиња или цел, за шеќер бел како и за сончогледово масло за јадење, со исклучок на ладно цеденото, има трговска маржа до 5 проценти во трговијата на големо и до 5 проценти во трговијата на мало. За брашно од пченица – тип 400 и тип 500, за макарони и шпагети од тврда пченица, македонски бел ориз, за трајното кравјо млеко со масленост од 2,8%, 3,2% и 3,5% и за јајца од кокошка, за сите трговски друштва и трговци поединци кои учествуваат во трговскиот ланец утврдена е трговска маржа од 10 проценти во трговијата на големо и до 10 проценти во трговијата на мало.

Share on Facebook

Tweet

Follow us

Save