Одбојкарките на Работнички старо-нови шампионки – ја одбранија двојната круна

Одбојкарките на Работнички се старо-нови шампионки на Македонија и ја проидодадоа новата шампионска титула на трофејот во Купот сезонава, одбранувајќи ја ланската двојна круна и потврдувајќи ја доминацијата во женската одбојка.

Вечерва Работнички славеше по тај-брејк со 3-2 во сетови (25-20, 25-17, 19-25, 19-25, 15-5) против Јанта Волеј во четвртиот меч од финалето за трета победа (3-1) во серијата и шампионска круна. Пресуди убедливиот тајбрејк во кој практично го прегазија ривалот со 15-5, откако Јанта Волеј се врати во мечот во третиот и четвртиот сет.

Шампионките тргнаа одлично во мечот, ги освоија првите два сета со 25-20, па 25-17, но Јанта Волеј не се предаде за експресно да го загуби мечот и возврати со два идентично добиени сетови со 25-19, по што се влезе во тај-брејкот, каде стартното водство за Работнички од 4-0 само го олесни патот кон титулата.

Работнички покрај 16-те шампионски титули има и 14 освоени купови.

Извор: sport1.mk

Share on Facebook

Tweet

Follow us

Save