Од Европа само Македонија и Белорусија не гласаа „За“ украинската резолуција во ОН
Генералното собрание на Обединетите нации денеска ја усвои резолуцијата подготвена од Украина и спонзорирана од 27-те членки на Европската унија, со која се осудува руската воена агресија врз соседната земја, се изразува поддршка на територијалниот интегритет на Украина и се бара итно повлекување на руската војска.
Резолуцијата доби 93 гласа „за“, 65 воздржани, и 18 против. За резолуцијата гласаа сите европски земји, дури и Србија, со исклучок на Македонија која гласаше „воздржано“ и Белорусија која гласаше против. Освен САД против оваа резолуција беа земји како Буркина Фасо, Бурунди, Централноафриканската Република, Демократска Република Конго, Екваторијална Гвинеја, Еритреја, Нигер, Мали…
Македонија беше коспонзор на друга, ривалска резолуција поднесена од Соединетите Американски Држави, која не доби поддршка од Генералното собрание на ОН во оригиналната форма. Во првичната верзија, резолуцијата не ја означуваше Русија како агресор или извор на конфликтот. Откако беше додаден текст во кој недвосмислено се кажува дека Русија извршила воена агресија со која ја прекршила Повелбата на ООН, резолуцијата беше изгласана.
ПОВРЗАНИ ВЕСТИ
Петрова и Муцунски во четврток ќе се…
Министрите за надворешни работи на Македонија и…
Трамп промовира „масовен“ договор со Белорусија за…
Американскиот претседател Доналд Трамп изјави дека Вашингтон…
Жените во Македонија за еднаква работа заработуваат…
И покрај законските гаранции за еднаква плата…
Белорусија ослободува политички затвореници во замена за…
Белорусија започна нова рунда помилувања на политичките…
Во јули 367 одобренија за градење, предвидени…
Во јули годинава се издадени 367 одобренија…