Од утре заладување – ќе дува ветер со над 60км на час

Од утре се очекува промена на времето. Како што најавува УХМР, во поголем дел од земјата ќе биде многу топло, но ќе дува засилен југозападен ветер, на повеќе места и над 60 километри на час. Потоа, кон крајот на денот, поради спуштање на постудена воздушна маса од север, ќе почне да дува засилен, повремено силен северен ветер. Ќе има и услови за изолирана појава на нестабилност со пороен дожд, грмежи, засилен ветер и појава на град.

Според УХМР, силен северен ветер ќе продолжи да дува и во четврток кога се очекува значително да се намали дневната температура, за околу десет степени. Ќе има услови и за слаб локален дожд.

Потоа времето ќе биде претежно стабилно со пониски утрински температури, а дневните ќе бидат во постепен пораст.

Share on Facebook

Tweet

Follow us

Save