ОЛАФ: Од вкупно 36 истраги за Западен Балкан, 18 се однесуваат на злоупотреби на европските фондови во Македонија

Од вкупно 36 истраги на Западен Балкан, дури 18 се однесуваат на злоупотреба на европските фондовите во Македонија, посочуваат од Европската служба против измами (ОЛАФ), одговорна за ревизија на фондовите за земјите членки на Европската Унија и за други држави кориснички, пренесува Радио Слободна Европа.

Според податоците објавени од ОЛАФ, што ги пренесоа дел од албанските медиуми, од вкупно 36 истраги за користењето на европските фондови на Западен Балкан, дури 18 се однесуваат на злоупотреба на фондовите од властите во Македонија. ОЛАФ подготви седум препораки за европските институции и за македонските власти.

Од службата нема дополнителни информации за конкретните истраги, но објавено е дека за европските фондови, кои се потрошени целосно или делумно на национално или на регионално ниво во 2022 година, во државата биле отворени четири истраги, а три се затворени со соодветни препораки.

Share on Facebook

Tweet

Follow us

Save