Омилената кралска снаа: Кејт Мидлтон доби титула која досега ја добивале само мажи

Кејт Мидлтон е една од најомилените кралски снаи на сите времиња, а Чарлс уште еднаш го докажа тоа со одличниот гест кон неа во последните денови.

Новиот крал на Велика Британија ја удостои принцезата од Велс со титула која по правило и традиција им се доделува само на мажите. Исто така, нејзиниот претходен носител не е кој било, туку сопругот на Кејт – принцот Вилијам, кој е првороден син на кралот Чарлс III. Кејт стана нов почесен полковник на ирската гарда.

Оваа титула кралицата Елизабета Втора му ја додели на принцот Вилијам во 2011 година, два месеци пред неговата венчавка со Мидлтон. Вилијам ѝ оддаде почит на титулата тогаш со облеката за денот на свадбата, црвена офицерска униформа на гардата со сина лента. А сепак, иако Кејт му ја „одзеде“ токму оваа титула на Вилијам, тој исто така не може да се пожали, бидејќи има нова – полковник на велшката гарда.

Share on Facebook

Tweet

Follow us

Save