ОН ја прекина испораката на помош за Газа и го обвини Израел

Агенцијата на Обединетите нации за палестински бегалци (УНРВА) денеска објави дека ја запира испораката на помош преку главниот карго премин кон Појасот Газа, поради заканата од вооружени банди кои неодамна ограбуваа конвои, а во голема мера ги обвини постапките на Израел за нарушување на редот и законот.

Одлуката може да ја влоши хуманитарната криза во Газа, каде стотици илјади Палестинци живеат во шатори и се зависни од меѓународната помош.

Експертите веќе предупредија на глад на северот на територијата, која беше речиси целосно изолирана од израелските сили на почетокот на октомври.

Шефот на УНРВА, Филип Лазарини, информира дека рутата што води до преминот Керем Шалом е премногу опасна.

Во објавата на „X“, Лазарини го обвини Израел за колапсот на хуманитарните операции во Газа, наведувајќи ги „политичките одлуки за ограничување на количината на помош“, недостатокот на безбедност на патиштата и израелското таргетирање на полициските сили управувани од Хамас кои претходно обезбедуваа јавна безбедност.

Израел тврди дека пропушта доволно помош за Газа и ги обвинува УНРВА и другите агенции за неуспеси во испораката.

Share on Facebook

Tweet

Follow us

Save