ОН ја усвои руската резолуција за борба против глорификацијата на нацизмот!

Генералното собрание на ОН ја усвои руската резолуција за борба против глорификацијата на нацизмот, јавува дописникот на Спутник.
За резолуцијата гласаа 118 земји, против беа 49, а воздржани 14. Меѓу оние кои гласаа за документот беа Русија, Кина и Израел, а против беа САД, Украина, Велика Британија и Германија.
Документот претходно беше одобрен од Третиот комитет на Генералното собрание.

Резолуцијата ги советува земјите да преземат соодветни конкретни мерки, „вклучително и во областа на законодавството и образованието во согласност со нивните меѓународни обврски во областа на човековите права, со цел да се спречи ревизија на историјата и исходот на Втората светска војна, негирање на злосторствата против човештвото и воените злосторства извршени за време на Втората светска војна“.
Авторите на документот најостро ги осудуваат инцидентите поврзани со глорификација и пропаганда на нацизмот, особено примената на графити и цртежи со пронацистичка содржина, меѓу другото, на спомениците на жртвите од Втората светска војна.
Документот апелира до државите да ги искоренат сите форми на расна дискриминација со сите соодветни средства, а доколку околностите тоа го бараат – и со закон.
Покрај тоа, резолуцијата силно ја осудува употребата на едукативни материјали, како и реториката на часовите кои промовираат расизам, дискриминација, омраза и насилство врз основа на етничка, националност, религија или убедување.

Share on Facebook

Tweet

Follow us

Save