Опседната е со Русија? Фон дер Лајен: Работиме напорно да ја погодиме Русија онаму каде што боли

„Работиме напорно да ја погодиме Русија онаму каде што боли, со цел дополнително да го ослаби нејзиниот капацитет да води војна против Украина. Затоа денеска можам да објавам дека работиме со полна брзина на деветтиот пакет санкции“, рече Фон дер Лајен на прес-конференција.

„Покрај тоа, сигурна сум дека многу брзо ќе успееме да одобриме глобално ограничување на цената на руската нафта заедно со членовите на групата Г7 и другите големи партнери. Нема да мируваме додека Украина не го победи Путин и неговата незаконска и варварска војна “, рече шефицата на Европската комисија.

Фон дер Лајен не даде детали за мерките што ќе ја сочинуваат деветтата рунда санкции. Осмата рунда санкции доби конечно одобрение минатиот месец и вклучува повеќе ограничувања во трговијата со челик и технолошките производи.

На заедничката прес-конференција со премиерите на Финска и Естонија и вицепремиерот на Шведска, Фон дер Лејен рече дека руските напади врз украинската цивилна инфраструктура, како што е електричната енергија, одговараат на воени злосторства.

„Знам и дека нашите украински пријатели ќе ја поразат таа стратегија бидејќи се силни и имаат праведен мотив, а ние, ЕУ, ќе бидеме со нив во тие тешки времиња колку што е потребно“, рече таа.

Share on Facebook

Tweet

Follow us

Save