Општина Чаир без Бадентерово мнозинство смени имиња на две улици, ќе ги нарекува по борци на ОНА

Советот на Општина Чаир едногласно, но без законски неопходното Бадентерово мнозинство, донела одлука две улици во општината да носат имиња на борци на ОНА — „Командант Тели“ и „Зеќирија Хасани“, објави „24инфо“.

Според порталот, одлуката е изгласана во спротивност на законските обврски произлезени од Охридскиот договор, кои налагаат за прашањата кои ги засегаат меѓуетничките односи, одлуките да се носат со мнозинство од гласовите на советниците-припадници на немнозинските етнички заедници во општината.

Ова доаѓа откако Уставниот суд минатиот месец ја укина одлуката на Советот на Општина Тетово од 2007 година, со која беа преименувани повеќе улици и објекти во градот. Тогашниот општински Совет не ја консултирал Владата за преименувањето, што исто така е законска обврска, како што образложи Уставниот суд.

Share on Facebook

Tweet

Follow us

Save