Орбан: Мирот во Украина е „на дофат“, ќе започне нов свет

Унгарскиот премиер Виктор Орбан денеска изјави дека ЕУ ја изгубила војната во Украина.
Орбан во интервју за М1 рече дека мирот во Украина е „на дофат“ и дека „ќе започне нов свет“ со инаугурацијата на американскиот претседател Доналд Трамп на 20 јануари.

„Русите беа подготвени да се согласат на Божиќното примирје што го предложив пред неколку дена, а Украинците се уште не, но православниот Божиќ се уште не пристигнал“, рече Орбан.
Според него, ситуацијата во Украина е јасна, Русите напредуваат, а ЕУ ја загуби војната.
Орбан оценува дека Европа ќе плати висока цена бидејќи, како што наведе, не ја прифаќа новата реалност што се појави по победата на Трамп на изборите, објави унгарскиот портал Инфостарт.

Унгарскиот премиер рече дека не е неопходно тој да посредува во разговорите меѓу САД и Европа.
Меѓу 27-те членки на ЕУ, Унгарија и Словачка отворено се залагаат за мировни преговори за Украина, додека другите членки отворено се залагаат за продолжување на војната или не даваат јавна изјава.

Share on Facebook

Tweet

Follow us

Save