Орбан од Пекинг оди во Вашингтон: Бара решение за конфликтот во Украина

Унгарскиот премиер Виктор Орбан заминува од Пекинг за Вашингтон како дел од неговата мировна турнеја чија цел е да се најде начин за решавање на конфликтот во Украина.
„Следна станица е Вашингтон“, напиша Орбан на социјалните мрежи, објавувајќи видео од влегувањето во авион кој заминува од Пекинг.

Програмата за посетата на Орбан на САД не е објавена.
По Киев и Москва, Орбан го посети и Пекинг во рамките на својата „мировна мисија“.
За време на посетата на Пекинг, унгарскиот премиер Виктор Орбан го информирал кинескиот претседател за неговите посети на Москва и Киев, јави кинеската централна телевизија. Кинескиот лидер од своја страна истакна дека Кина постојано ги промовира преговорите за украинскиот конфликт и ги поддржува сите напори за промовирање на мирно решавање на кризата.
„Главните позиции и насоки на напорите на Кина и Унгарија (за решавање на украинската криза) се совпаѓаат, Кина е подготвена да продолжи да ја одржува соработката со Унгарија и релевантните страни“, додаде Си Џинпинг.

Share on Facebook

Tweet

Follow us

Save