Орбан повика да се укинат санкциите за Русија

Унгарскиот премиер Виктор Орбан на социјалната мрежа Х апелираше ЕУ да ја преиспита својата позиција за антируските санкции. Како што вели тој, ограничувањата не му го донеле на Западот посакуваниот ефект.
„Санкциите дизајнирани од бриселските бирократи постигнаа една цел – ја уништија конкурентноста на европската економија. Време е за промени!“, нагласи политичарот.
ЕУ воведе 15 пакети рестрикции против Москва, кои мора да се обновуваат на секои шест месеци. Следната ваква постапка би требало да биде на крајот на јануари.

Орбан потсети дека ограничувањата не ѝ донеле позитивен ефект на Москва, бидејќи не ставиле крај на конфликтот во Украина и дека самата Европа не била во состојба да ги замени енергетските ресурси.

Унгарскиот премиер минатата недела изјави дека започнува нова ера со доаѓањето на Доналд Трамп за претседател на САД и дека е време ЕУ да се откаже од санкциите и да воспостави односи со Русија без нив.

Share on Facebook

Tweet

Follow us

Save