Османи: ЕУ веќе нè третира како земја членка

Ние директно добивме 80 милиони евра за директна буџетска поддршка, за да се компензира разликата во цените за електрична енергија. ЕУ веќе почна да не третира како да сме земја-членка и како да сме дел од заедницата. Не внесе во платформата за купување на гас и енергенси, порача министерот за надворешни работи, Бујар Османи во однос на посетата на претседателката на Европската комисија, Урсула Фон дер Лајен и пакетот за енергетска поддршка на земјава.

Османи посочува дека не треба да се потценува посетата на Фон дер Лајен.

-Мораме да постигнеме договор со политичките партии, дека до 2030 година кој и да е на власт, прашањето на ЕУ да не се става во дневнополитичката агенда. И да е влада на СДСМ, ДУИ или ВМРО-ДПМНЕ, тие регулативи вие мора да ги прифатите. Крајно време да седнеме и да потпишеме таков договор дека кој и да е власт, за прашања на ЕУ, ќе се поддржуваме. Владата преку институциите, опозицијата преку свои механизми во Собранието, ќе ја споделиме и одговорноста и заслугите за успехот понатаму, побара министерот на прес-конференција.

Share on Facebook

Tweet

Follow us

Save