Османи за израелската операција во Рафах: Цивилите да бидат целосно заштитени, борбата против Хамас не го исклучува меѓународното право!

Министерот за надворешни работи на Република Македонија повика на итно враќање на преговорите меѓу Израел и Хамас за ставање крај на војната.

– Длабоко загрижен за најавеното проширување на воената операција кон пограничниот град Рафах, каде засолниште нашле над 1.3 милиони граѓани на Газа.

Ова може да доведе до хуманитарна катастрофа, имајќи го предвид фактот што поради затворената граница со Египет натамошното упатување кон југ е невозможно.

Борбата против Хамас не го исклучува почитувањето на меѓународното и хуманитарно право. Цивилите треба да бидат целосно заштитени.

Како Министер за Надворешни Работи повикувам на итно враќање на преговорите, со што би се овозможило ослободување на заложниците и отворил патот кон изнаоѓање одржлив мир. – напиша Османи на Фејсбук.

Share on Facebook

Tweet

Follow us

Save