Османи: Опасно е да имаш сосед како Србија

Косовската претседателка, Вјоса Османи изјави дека „опасно е да се има сосед како Србија“, но дека НАТО и „нашите сили“ ќе ги „спречат сценаријата“ на претседателот на Србија, Александар Вучиќ.

Османи во интервју за хрватски „Вечерњи лист“ истакна дека е многу горда на односите на Косово со Хрватска.

Зборувајќи за ситуацијата на Косово, разговорите со Србија и „провокациите на Вучиќ“ и зошто се противи на создавање Заедница на општини со српско мнозинство, таа рече дека Србија тврди дека според предлогот што е во оптек, таа заедница би имала извршни овластувања.

Освен тоа, Османи отфрли секаква помисла за „поделба на државата“.

„Ситуацијата во Косово е крајно напната, преговорите некако се заглавени, нема динамика. Но, неодамна пристигнаа Мирослав Лајчак и Габриел Ескобар кои најавија нова рунда разговори“, рече Османи.

Share on Facebook

Tweet

Follow us

Save