Османи се сретна со рускиот амбасадор – соопштението е смешно
Министерот за надворешни работи, Бујар Османи, денес се сретна со амбасадорот на Руската Федерација во Република Македонија, Сергеј Баздникин.
На средбата стaна збор за случувањата во и околу Украина, при што министерот Османи повика на деескалација на состојбите и изнаоѓање решение преку дијалог и дипломатски начин на комуникација, и го повтори ставот дека Македонија го почитува суверенитетот и територијалниот интегритет на Украина, во меѓународно признатите граници.
Воедно, Министерот Османи нагласи дека нашето членство во НАТО претставува значајно надворешно – политичко достигнување на земјава, што е израз на наша суверена одлука донесена едногласно во Собранието во 1993 година. Членството на Македонија во НАТО Алијансата претставува гаранција за нашата безбедност, а воедно придонесува и за пошироката регионална безбедност и сигурност. Дополни, дека НАТО е алијанса за колективна одбрана на земјите членки и не претставува закана за Руската Федерација или било која друга земја во светот.
Министерот Османи го реафирмираше повикот до Руската Федерација за отворен дијалог во рамки на Советот НАТО-Русија и во ОБСЕ со цел за унапредување на европската безбедност, што е од заеднички интерес за сите.
На средбата беше дискутирано и за улогата на Македонија како дел од ОБСЕ Тројката и идното претседавање со ОБСЕ во 2023 година.
ПОВРЗАНИ ВЕСТИ
Татко и син нападнати во скопско
На 25.04.2024 во 20:40 часот во СВР…
Во ДИК пристигнат еден приговор за постапката…
Истече рокот за поднесување приговори за постапката…
Касами: Со Влада на ВМРО-ДПМНЕ ќе изгласаме…
Претседателот на Беса и еден од лидерите…
(Видео) Израелски министер доживеа сообраќајка: автомобилот превртен
Автомобилот на министерот за национална безбедност на…
САД и испорача на Украина балистички ракети…
САД испратија нов ракетен систем со долг…