Османи се сретна со турскиот министер за одбрана: Непоколеблива поддршка за Косово од Турција

Косовската претседателка Вјоса Османи разговараше со турскиот министер за одбрана Јашар Ѓулер, кому му се заблагодари за континуираната поддршка за Косово.
„На средбата се разговараше и за соработката во областа на одбраната, со посебен акцент на обуката на косовските безбедносни сили и размената со цел стекнување нови искуства и подобрување на односите“, беше наведено на Фејсбук страницата на Претседателството на Косово.

Ѓулер денеска се сретна и со премиерот на Косово, Албин Курти.

Како што се додава, турскиот министер ја потврдил својата непоколеблива поддршка за Косово.

„Министерот изрази благодарност до Косово, особено за солидарноста и помошта дадена за Турција по разорниот земјотрес. На средбата претседателот Османи зборуваше и за актуелната безбедносна состојба на Косово, како и за нападот што се случи на 24 септември во Косово и во тој случај истакна дека гаранцијата и заштитата на безбедноста се приоритет. Потврдена е подготвеноста и важноста за соработка со сојузниците во оваа насока“, се наведува.

Share on Facebook

Tweet

Follow us

Save