„Оставки па робија!“ – Протести ширум Србија по нападот на студенти во Нови Сад

Во 10 часот заврши студентската блокада на Автокоманда која траеше 24 часа. Во текот на ноќта во Нови Сад беа нападнати студенти, а потоа премиерот Милош Вучевиќ поднесе оставка. Земјоделците го блокираа автопатот Ибар кај Краљево, а најавија дека таму ќе останат 24 часа. Во тек се протести во Нови Сад, Ниш, Крагуевац поради нападот врз студентите, а најавен е протест и во Белград.

Голем број студенти од понеделник во 10 часот ја блокираа клучката кај Франш Д’Епере и се организираа во смени. Ним им се придружија граѓани, но и земјоделци кои од рано утрото ги донесоа своите трактори. Освен еден инцидент, атмосферата беше позитивна во текот на целиот ден, учениците играа кошарка, тенис, одбојка… Во текот на ноќта им се придружија моторџии и таксисти. Од пет и пол станарите од околните згради им го донесоа утринското кафе. Утрото возачите ги пречекаа со сирени.

Учесниците скандираат „Владата паѓа“, „Оставки“, „Робија“.

Share on Facebook

Tweet

Follow us

Save