Отворена истрага против британскиот премиер Риши Сунак!

Комесарот за стандарди на британскиот парламент, Даниел Гринберг, денеска отвори истрага против британскиот премиер Риши Сунак поради тврдењата дека не укажал на потенцијален конфликт на интереси, за кој се верува дека е поврзан со компанија за згрижување деца во која неговата сопруга е инвеститор.

Сопругата на Сунак, Акшата Мурти, е наведена како акционер во „Кору Кидс“, една од шесте приватни компании за згрижување деца кои најверојатно ќе имаат корист од шемата предложена во минатомесечниот буџет за охрабрување на луѓето да се грижат за деца, пишува „Ројтерс“.

Претходно, во комисијата за парламентарни интереси, Сунак, на прашањето на пратеничката од Лабуристичката партија Кетрин Мекинел дали има поврзаност меѓу интересите на неговата сопруга и предложената шема за згрижување деца, рече дека сите интереси ги пријавил „на нормален начин“.

Share on Facebook

Tweet

Follow us

Save