Официјален Кремљ: Русија никогаш не ја затвори вратата за преговори со Украина

Русија никогаш не ја отфрли можноста за разговор со Украина, објасни во петокот портпаролот на Кремљ, Дмитриј Песков. Официјалниот Кремљ коментираше откако белорускиот претседател Александар Лукашенко сугерираше дека мировните преговори би можеле да започнат уште оваа есен.

„Руската страна никогаш не ја затвори вратата за преговарачкиот процес“, рече Песков на новинарите, додавајќи дека оваа позиција била изразена на „највисоко ниво“.

„За нас е важно да ги постигнеме нашите цели“, рече портпаролот, тврдејќи дека Русија „може да го направи тоа преку различни средства“, вклучително и преговори. Сепак, Москва не верува дека мировните преговори се остварливи во моментов, додаде тој.

„Во моментов, овие дипломатски средства се недостапни, пред се затоа што режимот во Киев ја негира таквата можност“, рече Песков. Тој, исто така, тврди дека САД „директно влијаат“ врз украинската влада и дека „очигледно не сакаат“ да се согласат на преговори.

Белорускиот лидер Лукашенко во четвртокот изјави дека ситуацијата околу конфликтот меѓу Москва и Киев може да се промени до крајот на летото и дека мировните преговори би можеле да започнат оваа есен. „Ќе разговараме на преговарачка маса. Можеби не во септември, но нешто подоцна“, им рече Лукашенко на националните и странските новинари.

Белорускиот претседател го повика Киев да преговара што е можно поскоро и „без предуслови“, инсистирајќи дека Украина губи со одложување на мировниот процес.

Share on Facebook

Tweet

Follow us

Save