Официјални состави: Пелистер вечерва му се спротивставува на Колштад

Актуелниот македонски шампион, Еурофарм Пелистер, ја започнува авантурата во Лигата на шампионите и во премиерниот натпревар ќе се сретне со норвешкиот претставник, Колштад. 

Битолчани излегуваат на мегдан со силен противник, но шансите за позитивен резултат секогаш постојат и сигурно нема да се појават на теренот со „бело знаме“, иако Колстад ја има фаворитската улога во пресрет на натпреварот. 

Пелистерци ќе го имаат на располагање скоро најсилниот состав, а на списокот од шеснаесет ракометари ги нема само Марко Кизиќ и браќата Атанасијевиќ. Во гостинскиот табор ќе недостасува само норвешкиот репрезентативец, Маркус Род. 

Еурофарм Пелистер ќе го пречека Колштад во пеколна атмосфера во салата „Боро Чурлевски“. Битола се подготвува за ракометен спектакл, а домашниот тим сигурно ќе има огромна поддршка од „Чкембарите“ и од сите останати навивачи. 

Извор: Гол.мк

Share on Facebook

Tweet

Follow us

Save