Официјално соопштение на БРИКС: Повикуваат на директни преговори за создавање суверена и независна држава Палестина

Лидерите на земјите од БРИКС повикаа на итен прекин на непријателствата на Блискиот Исток, воспоставување хуманитарно примирје, итно ослободување на заложниците заробени од Хамас на 7 октомври и директни преговори насочени кон формирање на суверена и независна држава Палестина, се вели во соопштението по вонредниот онлајн- на самитот БРИКС за Блискиот Исток.

Во продолжение, ви ги пренесуваме главните точки на документот:

• Водачите на БРИКС го осудија насилството врз палестинските и израелските цивили, вклучително и воените злосторства;
• Лидерите се изјаснија против присилната депортација на Палестинците;
• Тие изразија длабока загриженост поради страшната хуманитарна ситуација во „Окупираната палестинска територија“;
• Тие ја истакнаа потребата да се заштитат цивилите во согласност со меѓународното право;
• Тие нагласија дека долгорочното решение на палестинско-израелскиот конфликт може да се постигне само преку мирни средства;
• Тие повикаа на итно ослободување на заложниците од Појасот Газа заробени од Хамас на 7 октомври, како и итен хуманитарен прекин на огнот на Блискиот Исток;
• Тие ја истакнаа важната улога на Организацијата за исламска соработка и Арапската лига во решавањето на ситуацијата на Блискиот Исток;
• Тие потврдија дека е неопходно целосно да се почитува меѓународното хуманитарно право на палестинската територија;
• Тие посочија дека е неопходно да се спречи ширење на конфликтот на Блискиот Исток;
  
• Лидерите на БРИКС се посветени на спроведување независна и транспарентна истрага за воените злосторства во Појасот Газа во согласност со меѓународните стандарди;
  
• Беше потврдена примарната улога на Советот за безбедност на ОН во одржувањето на мирот и безбедноста на меѓународно ниво;
  
• Лидерите на БРИКС повикуваат на директни преговори за создавање суверена и независна држава Палестина;
  
• Тие ги повикаа оние кои имаат влијание на страните во палестинско-израелскиот конфликт да го искористат за да се избегне понатамошна ескалација и ширење на конфликтот.

Share on Facebook

Tweet

Follow us

Save