Охриѓанка измамена на оглас за работа во странство, останала без 5 илјади еврa

52-годишна охриѓанка пријавила дека останала без заштедата откако претходно била измамена од „посредникот“ кој и ветувал дека ќе и најде работа во странство.

Со лицето исконтактирала откако претходно видела оглас за вработување.

Уште пред да сфати дека станува збор за добро разработена шема ги уплатиле средствата, значителна сума, која од неа лицето ја побарало под изговор дека овие пари наводно се потребни за покривање на трошоци како работна дозвола, годишно осигурување, дополнително осигурување на подолг период и депозит за стан.

Измамата се случила во септември 2023 година, а откако ги исполнила барањата и ги префрлила бараните средства, жената презела иницијатива да контактира со наводниот хотел во кој и било ветено дека ќе работи.

На нејзино разочарување, таа добива известување дека веб-страницата на хотелот е хакирана.

Оштетената веднаш го пријавила настанот во Министерството за внатрешни работи.

Share on Facebook

Tweet

Follow us

Save