ОЈО Куманово оформува предмет хаваријата во Булмак и загадувањето во Крива Река

Основното јавно обвинителство во Куманово денеска објави дека е оформен предмет во врска со ситуацијата на Крива Река и тврдењата на општината за загадување по хаваријата во рудникот Тораница. Сепак, од обвинителството нагласуваат дека до овој момент не е пристигната официјална пријава од општината.

„Досега, кривична пријава од општината Крива Паланка не е поднесена, но обвинителството веќе презема мерки. Оформен е предмет, а ОЈО ги повика инспекторите за животна средина, кои извршија контрола. Тие доставија извештај од своето постапување до обвинителството. ОЈО продолжува со преземање на други дејствија, вклучително и издавање наредби и вештачења“, информираа од ОЈО Куманово за МИА.

Во меѓувреме, градоначалникот на Крива Паланка, Сашко Митовски, денеска презентираше нови анализи кои укажуваат на сериозно загадување на водата во реката. Вчера, менаџментот на компанијата „Булмак 2016“ негираше дека техничкиот проблем во рудникот Тораница довел до загадување на Крива Река.

Share on Facebook

Tweet

Follow us

Save