Падна договор за НИС: Србија ќе добие уште 5%, се чека амин од САД

Унгарската компанија МОЛ и рускиот Газпром се договорија за основните одредби од идниот договор за купопродажба на НИС, кој ќе биде испратен до американскиот OFAC за одлука, а Србија успеа да го зголеми својот удел во сопственоста за пет проценти во преговорите, изјави денес министерката за рударство и енергетика Дубравка Ѓедовиќ Хандановиќ.

„Исто така е важно што Србија успеа да ја подобри својата позиција во овие преговори, во споредба со 2008 година, кога останавме под 30 проценти сопственост, а тоа е да го зголемиме нашето сопствеништво во Нафтената индустрија на Србија за пет проценти во иднина и да достигнеме број на акции што ќе ни овозможат поголеми права за донесување одлуки во Собранието на акционери, а пред сè да ги заштитиме интересите на нашите граѓани“, рече министерката. Кога станува збор за партнери од Обединетите Арапски Емирати, рече таа, се очекува и тие да бидат дел од идниот договор за купопродажба.

Share on Facebook

Tweet

Follow us

Save