Пад на индустриското производство од 4,2 проценти во февруари

Индустриското производство во Македонија бележи пад во февруари 2026 година во споредба со истиот месец лани, покажуваат најновите податоци. Намалување е регистрирано во сите три клучни сектори – рударството, преработувачката индустрија и енергетиката.

Error5
Во секторот Рударство и вадење камен производството е намалено за 9,6 проценти, во Преработувачката индустрија за 1,9 проценти, додека најголем пад има во секторот Снабдување со електрична енергија, гас, пареа и климатизација, каде што е забележано намалување од 17,2 проценти.

Падот во преработувачката индустрија, според анализите, главно се должи на намаленото производство во повеќе гранки, меѓу кои тутунската индустрија, текстилот и облеката, фармацевтските производи, гумата и пластиката, металите, машинската индустрија и производството на мебел.

Според главните индустриски групи, најголемо намалување има кај енергијата со 19 проценти, трајните производи за широка потрошувачка со 12 проценти и нетрајните производи за широка потрошувачка со 6,9 проценти. Од друга страна, благ раст е забележан кај интермедијарните производи (0,2 проценти) и капиталните производи (2,1 процент).

Најголемо влијание врз вкупниот пад имаат намаленото производство на облека за 5,4 проценти, производството на машини и уреди за 13,5 проценти, како и значителниот пад во енергетскиот сектор.

Овие податоци укажуваат на продолжен притисок врз индустрискиот сектор, особено во делот на енергетиката и традиционалните производствени гранки.

Share on Facebook

Tweet

Follow us

Save