Папата побара мир за Украинците и Русите: Тие се браќа, треба да се договорат

Папата Франциск побара мир за украинскиот и рускиот народ.

– Тие се браќа и сродници. Нека се договорат! Војната е секогаш пораз. Мир за целиот свет, рекол папата на крајот од неделната молитва при посетата на Корзика.

Папата повика на мир во Светата земја, односно на палестинските територии, Израел, како и во Либан, Сирија и на целиот Блиски Исток.

Пред да отпатува за Корзика, тој испрати писмо до својот нунциј во Москва, каде го допре прашањето за украинскиот конфликт, кој носи „толку многу страдања“. Тој претходно испратил писмо до својот нунциј во Киев.

Папата пред една и пол година го назначи кардиналот Матео Зупи за свој мировен пратеник за Украина. Во октомври тој беше во втора посета на Москва.

Share on Facebook

Tweet

Follow us

Save