Папата Франциск ги критикува “нефлексибилните” позиции кои ја спречуваат Црквата да ја види реалноста и да оди напред

Папата Франциск во четвртокот предупреди на нефлексибилните идеолошки позиции кои би можеле да ја спречат Црквата да ја види реалноста и да оди напред, говорејќи неколку дена откако конзервативците ја осудија декларацијата со која се дозволува благослов на истополови двојки.

Франциск, кој во неделата наполни 87 години, ги даде своите коментари во традиционалната божиќна честитка до членовите на курија, централната администрација на Ватикан.

Во раните години од неговото папство, Франциск ги направи божиќните честитки повод за остри критики на бирократијата, посочувајќи ги, како што тој тогаш ги нарече нејзините „болести“.

Во четвртокот, тој ја спомена континуираната дебата меѓу прогресивците и конзервативците, 60 години по Вториот ватикански собор, кој ја воведе Црквата во современиот свет.

– Да останеме будни против крутите идеолошки позиции кои често под превезот на добри намери не одвојуваат од реалноста и не спречуваат да одиме напред, рече тој.

– Наместо тоа, повикани сме да почнеме и да патуваме, како мудреците, следејќи ја светлината која секогаш сака да не води понатаму, понекогаш по неистражени патеки и нови патишта, рече тој.

Во понеделникот тој ја одобри пресудата според која свештениците можат да им даваат благослов на истополовите парови под одредени услови и се додека тие не наликуваат на брак и не се дел од црковните ритуали или литургии.

Додека многумина го поздравија отворањето на благословот од страна на Папата за истополовите парови, конзервативците рекоа дека тоа може да ги разниша темелите на верата, па дури и да предизвика раскол во Црквата.

Share on Facebook

Tweet

Follow us

Save